DEN HAAG—Ministerio di Asuntunan Eksterior di Turkia a pidi kuenta rason di e embahador suplente pasobra Pegida a skur e koran dilanti e embahada.

Un diplomatiko danes tambe a keda prohibi segun prensa turko. E kombersashon a tuma lugá ayera merdia segun ministerio di Asuntunan di Ekterior hulandes. E embahador suplente a splika ku Hulanda ta konsiderá kibra koran un akshon sumamente repugnante i konsientemente provokativo. Pero e diplomatiko a enfatisá ku libertat di opinion ta un derecho fundamental na Hulanda. Finalmente na Hulanda ta hues mester determiná si tin violashon di lei i no gobièrnu. E kaya tabata sera algun tempu pa motibu di akshon di Pegida. Tabatin kontra-protesta tambe. Minister di Hustisia demishonario Yesilgöz a bisa djabièrne promé ku akshon di Wagensveld ku skurmentu di un buki ta primitivo, pero por na Hulanda. Anteriormente Suisa a subi e nivel di menasa pa terorismo despues ku a kima koran den e pais. Turkia a protesta mas biaha kontra kimamentu of skurmentu di koran. Pakistan a kondena e akshon di Wagensveld. Ministerio di Asuntunan Eksterior ta bisa ku daño konsiente na koran ta un insulto pa tur moslem den mundu.