Kompanianan ku tabata traha e monedanan i papelnan di florin antiano no ta kla pa traha e plachinan pa e monedanan i tampoko e papelnan mas.

Willemstad,– E mènedjer finansiero di Banko Sentral señor Alvin Francisco ta splika ku e kompanianan ku tabata traha e monedanan i papelnan di florin antiano no ta kla pa traha e plachinan pa e monedanan i tampoko e papelnan mas. Esaki ta pone ku por haña diferensha entre e sènnan i p’esei na 2014 diferente mashinnan na Kòrsou no tabata tuma e monedanan.

Tambe Alvin ta splika ku florin nan den tempu rèkòrt ta bira pretu i na 2016 a stòp ku produkshon di sèn i Banko Sentral mester a buska otro kompanianan ku ta traha sèn di papel. Algun kompania a bisa ku nan por, pero mester upgrate e sèn di papel. Pues mester dun’é un facelift. E ta sigui bisa ku esaki no ta kunbiniente mirando ku e gastunan di e papel nobo ta kompará ku e gastunan di e sènnan aktual.

Alvin ta splika ku mundu no ta sinta warda e facelift di florin antiano sino di florin karibense mirando ku sèn di Banko sentral ta kabando i pues mester bai over na traha sèn nobo.

E ta splika ku ora ta bai traha sèn nobo, mester ta di mas kalidat i mas konfiansa ku den nos sèn nan aktual.

Florin Karibense lo bai kosta 15 mion florin ku ta enserá sèn pa remplasá loke tin aktualmente i tambe mas o ménos 4 aña di sèn garantisá den Banko Sentral.