Caryl Monte den Parlamento ayera durante reunion Komishon Sentral

PUNDA—Parlamento di Kòrsou ayera a tene dos reunion riba Areglo Mutuo. Manera ta konosí, despues ku sosionan den Reino a rechasá COHO, a kumbiní pa sera un Areglo Mutuo. Den kuadro di e Areglo Mutuo, a tene un reunion den Komishon Sentral unda Caryl Monte a tene un presentashon. Mas lat den mèrdia pa atardi, mester a tene un seshon mas amplio ku Promé Minister Pik Pisas.

Caryl Monte, ayera den un presentashon kombiná na Hulandes i Papiamentu a splika e orígen di e Areglo Mutuo.  En prinsipio pa e parti aki no tabatin nada nobo. E Areglo Mutuo a bini for di COHO tradusí den Pakete di Pais i lokual ta importante tabata e parti di ehekushon. I pa esaki tin un Agènda Ehekutivo ku ta splika e tareanan ku mester bai kumpli pa por trese e reformanan.

Segun Monte, ta trata di un programa di sosten  finansiero kombiná ku sosten di konosementu. Promé di bai den e  Areglo Mutuo, e la splika un ratu riba e konsekuenshanan negativo di COHO. Segun Monte, COHO tabatin su parti bon pero tambe partinan malu. Manera por ehèmpel, e COHO tabata por a traha dirèkt ku unidatnan oropeo sin ku e gobièrnu lokal por tabatin influensha ariba. E la papai di un “gobièrnu den gobièrnu”, kual lo no kumbiní Kòrsou. Manera kalke hurista lo hasi, Monte a duna un parti amplio di su presentashon riba diskushonnan hurídiko, lagando atras e parti spesífiko di efektonan makro ekonómiko abase di modelonan sientífiko . Esaki tabata netamente e motibu dikon e Leinan di Konsenso anterior a bin faya, debí na gastamentu di tempu riba diskushonnan hurídiko. Esei a keda verifiká tambe eks sekretario di estado Raymond Knops. Monte, no  varia den niun opinion hurídiko, kompará ku 13 aña pas’a. dia tabata diskutí riba balides outo demokrátiko di COHO.

Despues di a splika e konklushon di Hunta di Estado, a keda kumbiní den Reino pa rechasá COHO. Durante e okashon ei, a opta pa introdusí e Areglo Mutuo. Ta trata di Koperashon Mutuo riba reformashon, segun Monte. I e areglo ta data for di 2019. Pero e koperashon mester ta en konhunto, segun Monte. “Sea bo ke of no, nos tin un Reino”, Monte a splika ayera ku e Areglo Mutuo ta konsentrá riba reforma den entidatnan estatal. E la bai den e Areglo, artíkulo pa artíkulo.  E Areglo Mutuo ta splika ku e tareanan ta preskribí den e Pakete di Pais. I den e Pakete di Pais, bo no por mira e grado di invershon, sino esei ta bini dilanti den e Agènda di Ehekushon (Agenda Ehekutivo).

Pa lokual ta trata Ehekushon di e tareanan, esei ta na enkargo di Ministerio pa Asuntunan General. E organisashonnan ehekutivo tin komo tarea sino pa en konhunto guia i monitoria e proseso di reformashon. E Organisashonnan Ehekutivo di un reglamento ku ta deliniá kon ta bai traha ku otro. Mester tin igualdat den lokual e Agenda Ehekutivo ta hasi den Reino. Ta trata di 8 area di atenshon, Kontrol Finansiero, Gastu Efektividat di Sektor Públiko, Impuesto, Sektor Finansiero (Banko Sentral),Ekonomia, Kuido i Salubridat, Enseñansa,  Refuerso di Kadena Hudisial.

Foto