Back to Top
Responsive image
E korant di pueblo

Reshèrshinan Ulandes di NFI ku investigashon pisa den warda di reshèrshi riba e 600 kilo


February 13, 2021 • 3 minüt pa lesa

Reshèrshinan di NFI e dianan aki ta por la goma asistiendo e tim Forensiko di Kòrsou den e investigashon di e 600 kilo ku a disparsé.

Willemstad— Dos siman pasa riba djadumingu un grupo di reshèrshi Hulandes ku ta forma parti di e team di NFI a bin Kòrsou pa asina reforsá e tim aki nan ku ta enkargá ku e investigashon den e sonado kaso di 600 kilo ku a ser hòrtá for di warda di reshèrshi.

E investigashon pa asina por resolvé i òf realisá aresto di esnan ku ta wòrdu sospecha den e robo di 600 kilo ta den full swing. Ya na dos okashon a  pone rekompensa pa esun òf esnan ku por duna e tep di oro pa yuda solushoná e kaso aki. Na e promé okashon e rekompensa tabata 20 mil florin pa despues a hisa esaki ku 10 mil florin mas hasi esaki 30 mil florin. Den pasado a hinka e investigashon den man di e reshèrshinan di Landsrecherche  ku a sali realisá dos aresto. Tabata trata di un eks agente polisial i un latino.  E tempu ei a detené un  eks agente polisial ku ya a entrega su retiro pero ku no a entrega su arma reglamentario na Kuerpo Polisial.

Tabata despues ku a bin tende ku e eks agente polisial aki mester a i òf tabata pant su arma reglamentario a bai i a detené pa asina por a kuminsá ku un investigashon ku e mira pa kana yega na e investigashon di e 600 kilo. A konsentrá e investigashon mas tantu riba e eks polis  i  e arma di kandela ku supuestamente e la pant lagando e investigashon di e posibel hòrtamentu di droga por último. Durante di e investigashon asta tabata trata di involukrá un dama polis debí ku tabata tilda e eks polis aki di tabata pant su arma miéntras ku e tabata trahando i tabata fia e arma di su kolega femenino  bai traha kuné ora ku e tabatin warda ya ku e mes no tabatin su arma reglamentario.

Wes komisario ku no a haña ku tin masha prueba kontra di e  eks agente polisial aki a pone den libertat kual a pone ku e intenshon mes ku a detené e polis a kai na awa esta ku no a yega mes na drechi na e investigashon di e droga ku a ser hòrtá. Esaki a pone ku Prokurador general ku tabata supervisá e investigashon a rabia asina tantu ku fayonan ku Landsrecherche a kometé durante di e investigashon ku tabata e intenshon pa kana yega i kuminsá ku e kaso di investigashon di e 600 kilo ku a ser hòrtá. Esaki ta debí ku e nòmber di e eks agente polisial aki tabata esun mas menshoná ku tabata sa algu di e 600 kilo di droga ku a ser hòrtá. debí na tur e fayonan ku Landsrecherche a kometé den e  investigashon a pone ku e kita e investigashon for di nan i a pasa esaki  pa un tim forma pa e departamentu di BIZ i tambe RST i últimamente asta un personal di e departamentu di DGC.

Tin un preshon enorme pa trata di resolvé e kaso aki promé ku elekshon i òf hasi detenshon promé ku elekshon tuma lugá. Esaki a pone ku a manda pidi asistensia di ekspertonan riba e tereno Forensiko for di Hulanda. No mas ku dos siman algun eksperto Hulandes di e departamentu di NFI esta e tim Forensiko a yega Kòrsou pa asina por reforsá e tim Forensiko aki na Kòrsou i tambe e reshèrshinan ku ta enkargá ku e investigashon.   E team di NFI  ku ta para pa Nederlandse Forensische Instituut ( ta hasi investigashonnan Forensiko) mesora a kuminsá ku nan investigashon i a bai na warda di reshèrshi. Einan a bai na e kluis unda e droga tabata warda i a hasi basta investigashon. Esta a investigá kon posiblemente a drenta den e kluis, kon lo a kibra i òf destruí esaki i tambe a saka vários porta di e kluis mes i tambe e porta di e warda di reshèrshi na unda a drenta den e edifisio. Ketu bai e investigashon ta dirigí riba miembro di Kuerpo Polisial ku probablemente lo ta metí i òf sa mas di e droga ku a ser hòrtá. Dianan i ora pa  aresto òf aresto nan bai tuma lugá lo no ta muchu leu mirando e intensidat di e investigashon.

Login